तिम्रो सुन्दर आँखामा
तिम्रो सुन्दर आँखामा
✍️दिलिप राई सगर
तिम्रो सुन्दर आँखामा गाजल भएँ म
तिम्रो नजरको वाणले घायल भएँ म
थोरै होश उडे जस्तो भएथेँ पहिले
अब पूरै तिम्रो प्रेममा पागल भएँ म ।
हिउँचुलीको हिउँ जस्ती लाग्छौ तिमी स्वच्छ सुवासिली
लालीगुराँस फक्रे जस्ती लाग्छौ तिमी खेल्दै बयेली
तिम्लाई हेर्न उडिहिड्ने वादल भएँ म
तिम्रो मृदु मुस्कानमा कायल भएँ म
थोरै होश उडे जस्तो भएथेँ पहिले
अब पूरै तिम्रो प्रेममा पागल भएँ म ।
अकबरी सुन जस्ती लाग्छौ तिमी कसी किन लाउने
जूनताराको डोली चढी कहिले होला मेरो घर आउने
तिम्रो कोमल पाउमा पायल भएँ म
रोदिघरमा घन्किने मादल भएँ म
थोरै होश उडे जस्तो भएथेँ पहिले
अब पूरै तिम्रो प्रेममा पागल भएँ म ।
(साईमा स्यामुना गीत सङ्ग्रहबाट)
हार्दिक आभार मितज्यू ! मेरो पछिल्लो कृति दोस्रो गीत सङ्ग्रहबाट मलाई नै अति मन पर्ने गीत प्रकाशन गरेर यो माया र हौशला दिनु भएछ । स्यामुना ।
