गीत

 गीत

 विपनातिर देखिन भने देख्दछु सपनी ।
 जसरी तिमी सम्झिरहन्छौ,सम्झिन्छु म पनि ! 

गर्नेले प्रेम टिपौँला भनी फूल त्यो छुँदैन,
हृदयभित्र बसेको मान्छे बिरानो हुँदैन।
मौनता भित्र प्रेमको भाषा लुकेको हुन्छ नि
जसरी तिमी सम्झिरहन्छौ,सम्झिन्छु म पनि ! 

निदको बेला यो मेरो हात सिरानी नहोला,
के भनौँ अरू भाग्य मै यस्तो लेखेको छ होला ।
सिँउदो माथि राखेको हात याद त होला नि ?
जसरी तिमी सम्झिरहन्छौ,सम्झिन्छु म पनि ! 

नदीका दुई किनारा कहाँ भेटिन पाउँछन्,
नभेटे पनि युगादिसम्म हेर्न त पाउँछन् ।
आउँने जुनी भेटौँला भनी गरौँला जपनी
 जसरी तिमी सम्झिरहन्छौ,सम्झिन्छु म पनि ! 

                                           -इलाम