गीत

        गीत

 हिस्सी राम्रो मुहारको लाली राम्रो ओठको
 पीर खपी नसक्नु छ नजरका चोटको 

लोभ लाग्दो नाकको फुली चौबन्दीको तुना
 पोखिन्छ कि भनी छेक्छ बैँस चारै कुना
 पालाम राम्रो पान्थरको सुन राम्रो भोटको
 पीर खपी नसक्नु छ नजरका चोटको। 

तान बुनेको ढाका सारी लर्केपछि तनमा
 आँधी हुरी चली हाल्छ कस्तो कस्तो मनमा
 पानी मीठो जरुवाको नौनी मीठो गोठको
 पीर खपी नसक्नु छ नजरका चोटको 

हिस्सी राम्रो मुहारको लाली राम्रो ओठको
 पीर खपी नसक्नु छ नजरका चोटको। 

"विवश" बलिभद्र कोइराला
 स्वर, सङ्गीत गणेश पराजुली र यसोदा पराजुली