साहित्यकार रिजालको ‘नेपाली साहित्यका पच्चीस सर्जक’को ‘सडक लोकार्पण’ सम्पन्न

झापा ७ बैशाख/साहित्यकार तथा साहित्यिक पत्रकार डा.नवराज रिजालद्वारा लिखित व्यक्तिवृत्तकृति ‘नेपाली साहित्यका पच्चीस सर्जक’को ‘सडक लोकार्पण’ सम्पन्न भएको छ। 

शुक्रबार काठमाडौंको बागबजारमा उपस्थित साहित्यकार तथा लेखकले कृतिको ‘सडक विमोचन’ गरे । यो कृति तन्नेरी पत्रिकाले प्रकाशन गरेको हो ।
कार्यक्रममा कृतिकार डा.रिजालले नेपाली साहित्यका विशिष्ट व्यक्तित्वले पुर्‍याएको योगदानलाई लिपिबद्ध गर्दै आउने पुस्ताका निम्ति कृतिमार्फत दस्ताबेजीकरण गरिएको बताए । 

सडक विमोचन अभियानका सदस्य नियात्राकार राजाराम बर्ताैलाले सर्जक रिजालले महत्त्वका साथ व्यक्तिवृत्त कृति तयार पारेको उल्लेख गरे । 
त्यस अवसरमा बद्रीप्रसाद ढकाल,शरद प्रधान, शन्तराम बिडारीलगायत साहित्यकारले कृति र सडक विमोचन अभियानमाथि आफ्नो धारणा राखे ।