´त्यो रात थियो`

कविता

  त्यो रात थियो
                       - गौरी नेम्बाङ

 ताराहरू झिलमिल
 चाँदनी साथ थियो
 तिम्रो र मेरो मिलनको
 पहिलो त्यो रात थियो ।
 आकर्षण मौन थियो
 नभुल्ने त्यो रात थियो
 ओठहरू चुपचाप थियो
 तर पनि हरेक कुरा गर्दै थियो ।
 मुटु धड्कँदै सासहरू बन्द
 अचम्मको त्यो बात थियो
 युगभन्दा पहिला नै
 युगको यो रात थियो। 

मात लागेको बैंशमा
 डुबेको त्यो रात थियो
 संवेदनशील यौनसित
 सजिएको त्यो रात थियो ।
 यस्तो सुन्दर सुनौलो
 हार्दिक त्यो रात थियो ।
 मुटुको धडकन
 एकार्काको बात थियो । 

                  - कालेबुङ्