अलिकति माया गाँसेर अलिकति मन जोडेर

अलिकति माया गाँसेर अलिकति मन जोडेर
संसारबाट जानु पर्छ अलिकति याद छोडेर 

थोरै थोरै खुसीहरु बटुलेर रमाउनु छ 
घाट सम्म रुँदै जाने मानिसहरु कमाउनु छ 
अलिकति दुख बाडेर अलिकति साथ जोडेर 
संसारबाट जानु पर्छ अलिकति याद छोडेर 

दुखे पनि जिन्दगी यो रमाउदै बाँच्नु पर्छ 
झरे पनि आँसु पुछी फेरि पनि हाँस्नु पर्छ 
अलिकति आशा राखेर अलिकति हात जोडेर 
संसारबाट जानु पर्छ अलिकति याद छोडेर