दशैैं विशेष कविता

कविशिरोमणि लेखनाथ पौड्यालको दशैं विशेष कवितासहित विजयादशमीको सुखद अवसरमा हाम्रा समस्त शुभेच्छुक तथा शुभचिन्तकहरुमा सुख, शान्ति, समृद्धि, ऐश्वर्य तथा उत्तरोत्तर प्रगतिको कामना सहित नेपाली  साहित्य डटकमका तर्फबाट  हार्दिक मंगलमय शुभकामना व्यक्त गर्दछौँ ।

हट्यो सारा हिलो मैलो
हरायो पानीको वर्षा
भवानीको भयो पूजा
चल्यो आनन्दको वर्षा ।

जता जाऊँ सबै भन्छन्
दशैँ आयो दशैँ आयो
यही आनन्द चर्चाले
सबै सङ्कट बिर्सायो ।

ठूला साना सबैलाई
दशैँ अत्यन्त राम्रो छ
चलेका जाडमा ज्यादै
यही उत्कृष्ट हाम्रो छ ।

सबै अत्यन्त आनन्दी
सबै छन् पिङमा दङ्ग
सबैको देखिँदै आयो
उज्यालो चेहरा रङ्ग ।