मिरिक, तिमीलाई म साह्रै माया गर्छु

✍️ डा. कमला तामाङ, पोष्ट-दिलिप घिमिरे · असोज २२, २०८३ १२:१० PM
Cover Image for News

कविता

मिरिक, तिमीलाई म साह्रै माया गर्छु 

                  -डा. कमला तामाङ 

जब म पुग्छु
 कुनै झीलको नजिक
 जहाँ हजारौं सपनाहरू
 साकार हुने विश्वासमा भिज्दै
 तैरिरहेका हुन्छन्, 

जहाँ बल्लोछेउदेखि पल्लोछेउ पुन
 प्रेमिल क्षणहरू
 घण्टौं बरालिन्छन्,
 जब देख्छ
 त्यो इन्द्रेणी पुल जस्तै
 सम्झनामा सधैँ घर बनाएर बसिरहने
 कुनै पुल
 तिम्रो चहकिलो सम्झना आउँछ।
 साँच्ची होला मिरिक!
 त्यतिबेला
 तिम्रो झील पारि किनारका
 धुप्पीघारीको सुस्केराहरूसँगै बल्झेको हुन्छु म।
 जब जब झील जस्तै मनहरूले
 मलाई सम्झनामा बास दिन्छन्
 आत्मीयताको न्यानो आलिङ्गन फैलाउँछन्
 मेरो मनमा अनायसै फक्रेको
 फूलबारे
 मलाई थाहै हुँदैन
 र पुग्छु म त्यो आलिङ्गनको न्यानो ताप्नु ।
 असाद्धै मन पराउँदो रहेछु म
 ती झील मनहरूलाई
 ती निष्कपट आलिङ्गनहरूलाई ।

 आज
 मनले सुटुक्क भनेपछि
 थाह पाउँछु म
 तिमीलाई अन्तरमनले मनपर्दो रहेछ
 तिमीलाई साह्रै माया गर्दोरहेछु म। 

                                   -मिरिक , दार्जिलिङ

ट्यागहरू:
विश्व साहित्य
टिप्पणीहरू
User
यहाँ अझै कुनै टिप्पणी छैन। यस पोस्ट सम्बन्धी कुनै टिप्पणी भए माथिको फर्ममा टिप्पणी थप गर्नुहोस गर्नुहोस्।
सम्बन्धित पोस्टहरू
सेक्स- कविता - कृसु क्षेत्री
सेक्स- कविता - कृसु क्षेत्री
कृसु क्षेत्री - आइतबार २२ नोभेम्बर २०२६
कविता उन्मुक्त हाँसो - प्रकाशचन्द्र खतिवडा
कविता उन्मुक्त हाँसो - प्रकाशचन्द्र खतिवडा
प्रकाशचन्द्र खतिवडा - बुधबार ४ नोभेम्बर २०२६
उसको आकाश अझै बाँकी छ
उसको आकाश अझै बाँकी छ
✍️ हिम्मत नेम्बाङ , पोष्ट-दिलिप घिमिरे - बुधबार ४ नोभेम्बर २०२६
गन्तव्य मोडिए पनि - सुभद्रा भट्टराई अर्याल
गन्तव्य मोडिए पनि - सुभद्रा भट्टराई अर्याल
खगिन्द्रा खुसी - बुधबार ४ नोभेम्बर २०२६