शक्ति सङ्कल्प
काटेर मेरा सब हात गाेडा
एक्लै बनाऊ असहाय छाेड
तथापि जन्मिन्छु म बार बार
पाषाण फाेडी युगकाे किनार
जहाँ निमाे्ठ्छाै म पलाइछाड्छुु
ब्रह्माण्डलाई म बचाइछाड्छु
याे विश्व मेराे जति हाेस् विपक्ष
पुगेर छाड्नेछु अनन्त लक्ष्य
मारेर मेरा तनका पखेटा
मर्दैन उड्ने मनकाे अठाेट
सञ्जीवनी हिम्मतकाे उठाएँ
म मृत्युलाई उछिनेर आएँ
झिकेर मेरा सब अङ्गलाई
फुस्राे बनाए पनि रङ्गलाई
मभित्रकाे आँट म झर्न दिन्न
स्रष्टा हुँ याे सृष्टि म मर्न दिन्न
याे रक्त चल्ने मुटुकाे कुनामा
जिजीविषा बग्छ नसा नसामा
त्याे शक्तिकाे बूँद उठेर भन्छु
अठाेट हाे शैल चढेर छाड्छु
मभित्र मेराे जिउँदो कथा छ
म भित्र सङ्कल्प र धीरता छ
म रच्छु छुट्टै इतिहास आज
विज्ञानभन्दा परकाे समाज
पेलेर ढुङ्गा जलकाे मुहान
निकाल्नसक्ने मसँगै छ ज्ञान
त्याे ज्ञानले विश्व नुहाइदिन्छु
सामर्थ्य मेराे म चिनाइदिन्छु ।
छ पाखुरामा बलकाे जरुवा
म बन्न सक्छु रणकाे अगुवा
मस्तिष्कलाई हतियार मानी
झुल्कन्छ मेराे हरियाे बिहानी
- टीका आत्रेय
