बुद्ध, मुक्त ऊ बन्दछ

विशाल सृष्टि ॐ शक्ति ह्रीँ सञ्चालक हुन्छ हाे
स्त्रीलिङ्गी र पुलिङ्गीमा तेस्रो लिङ्गीसमेत त्याे ।
सबैकाे सार हाे ॐ नै रज वीर्य समेतले
सृष्टि चल्छ स्वयंमा नै प्रकृति सर्व रीतले ।।


अग्नि जल र आकाश पृथ्वी यी सूर्यचन्द्रले
चलेकाे छ सदा सृष्टि घुम्छ चक्र स्व यन्त्रले ।
देवता देवी र शक्ति स्रोत हाे एक ओम नै
एकमात्र परम् सत्य जाने माने छ सत्यमै ।।

समाहित हुने प्राणी परिनिर्वाण मुक्तमा
शरीर नाशिने जान्नु चेतना अविनाशमा ।
सके अड्न दृढ प्राज्ञ मुक्त अमर बन्दछ 
दृढता चेतना ब्रह्म अजरामर सत्य छ।।

शरीर जब मक्किन्छ राेग र मृत्युका घडी
आत्मा भिन्न छ यो मिल्छ आफ्नै स्वरूपमा बढी।
अमर भिन्न यो ब्रह्म  भावना दृढमा गए
शरीर त्यागी त्याे मुक्त ब्रह्ममै मिल्छ यो भरे ।।

डर नै मान्छ यो मृत्यु आत्मा शरीर साथमा
मरेँ म सक्किए भन्छ शरीर  भिन्न ह्वैन म ।
भन्ने पुग्छ उही अर्को तत् लोक  दृढता रहे
मुक्त वुद्ध त्यही हुन्छ अमर दृढमा भए ।।