साहित्यकार जुनू रानाको‘लाहुरेनी सौन्दर्य’ लोकार्पण तथा परिचर्चा सम्पन्न
झापा २४ चैत्र/साहित्यकार जुनू रानाको दोस्रो कृति ‘लाहुरेनी सौन्दर्य’ को लोकार्पण तथा परिचर्चा कार्यक्रम हङकङमा सम्पन्न भएको छ ।
हङकङको एभरेष्ट होटलमा आयोजित एक विशेष समारोहका बीच उक्त कृतिको सोमबार विमोचन गरिएको हो।
हङकङ साहित्यिक साझा श्रृङ्खलाको आयोजनामा भएको कार्यक्रममा जिल्ला काउन्सिलर अरुणा गुरुङको प्रमुख आतिथ्यतामा भएको थियाे ।
कार्यक्रममा कृतिमाथि श्रृङ्खलाका संरक्षक राजकुमार राई,समीक्षक डा.चुना थापा,साहित्यकार जानु काङमाङ लिम्बु र डा.टीका रानाले समीक्षात्मक धारणा राख्नुभएकाे थियाे ।
समीक्षकहरूले ‘लाहुरेनी सौन्दर्य’लाई बहुआयामिक कृतिका रूपमा चित्रण गर्दै एउटै पुस्तकमा साहित्यिक र गैरसाहित्यिक दुवै स्वरूप समेटिएको उल्लेख गर्नुभयाे।
जुनू रानाको पहिलो कृति ‘रातो नदी’ यसअघि प्रकाशित भइसकेको छ । उहाँ हङकङ साहित्यिक साझा श्रृङ्खलाकी संयोजकसमेत हुनुहुन्छ ।
उहाँकै सभापतित्वमा सम्पन्न कार्यक्रमको सञ्चालन सह–संयोजक रोशन यक्सोले गर्नुभएकाे थियाे ।
