साहित्य कला सङ्गमद्वारा ९ जना स्रष्टा पुरस्कृत
झापा १३ बैशाख /साहित्य कला सङ्गम,दमकले शनिबार ९ जना स्रष्टालाई पुरस्कृत गरेको छ।
दमकको होटल केबिआरमा आयोजित कार्यक्रम प्राडा गंगाप्रसाद अधिकारीको प्रमुख आतिथ्य र सङ्गमका अध्यक्ष विन्दु दहाल 'मूकदर्शक'को सभापतित्वमा सम्पन्न गरिएको थियोे ।
साहित्य कला सङ्गम दमकले भाषा, साहित्य, कला,संस्कृति,गीतसङ्गीत, खेलकुद आदि क्षेत्रमा महत्त्वपूर्ण,योगदान पुर्याउनुहुने विशिष्ट व्यक्तित्वहरूलाई पुरस्कृत गर्ने क्रममा तुलसादेवी न्यौपाने स्मृति पुरस्कारबाट सुनसरी,धरानका साहित्यकार प्राडा.भीम खतिवडालाई र साहित्य कलाश्री पुरस्कारबाट दमक,झापाका साहित्यकार डा.गोपालप्रसाद भण्डारीलाई प्रदान गरिएको हो।
त्यस्तै,रुद्र निरौला स्मृति पुरस्कारबाट दमक, झापाका साहित्यकार मेघराज तिम्सिनालाई पन्ह्र हजार नगद,सम्मान पत्र,स्मृति चिन्ह रहेको छ भने `चन्द्रवीर खड्का स्मृति पुरस्कारबाट बिर्तामोड, झापाकी नारी स्रष्टा मिना अधिकारीलाई प्रदान गरियो।उहाँलाई एघार हजार नगद,सम्मान पत्र,स्मृति चिन्हसहित सम्मान गरिएको सङ्गमका अध्यक्ष विन्दु दहाल'मूकदर्शक'ले बताए ।
कार्यक्रममा प्रमुख अतिथि,कार्यक्रमका सभापति, प्राज्ञ सुमित्रा वाङ्देल चेली, दमक नगरपालिका वडा नम्बर ८ का वडा अध्यक्ष दिपेश दाहाल, साहित्य चौतारी बिर्तामोड झापाका अध्यक्ष देवीभक्त श्रेष्ठलगायतले पुरस्कृत प्रतिभाहरुलाई नगद,सम्मान पत्र,दोसल्ला,अबिर टीका र स्मृति चिन्ह प्रदान गरेका थिए ।
