संगीतकार जीवन शर्माको ‘जीवन रहरमै’ सार्वजनिक

झापा ३० चैत्र /साहित्यिक पत्रकार संघ र मिलाप मासिकले सिक्किमका संगीतकार जीवन शर्माको संगीत रहेको नयाँ गीत ‘जीवन रहरमै...’ सार्वजनिक गरेको छ ।
विमल काफ्लेको शब्द रचनाको यस गीतमा अञ्जु पन्तको आवाज रहेको छ।कार्यक्रममा संगीतकार तथा लेखक शर्मालाई सम्मानपत्र पनि प्रदान गरियो ।
कार्यक्रममा प्रमुख अतिथि गीतकार चुडामणि देवकोटाले शर्माको संगीतमा सजिएको गीतबारे बोले । 

शर्माले गीत संगीततर्फ सानैदेखि रुचि रहेको बताउँदै नेपालमा पाएको सम्मानले आफूमा थप जिम्मेवारी थपिएको बताए ।
स्रष्टा शर्माका चालीसभन्दा बढी गीत सार्वजनिक छन् । उनले लेखेका चार उपन्याससहित गीत,कविताहरू पनि प्रकाशित छन् ।