राधिका शाक्यद्वारा लिखित ‘मेरा अनुभूति ’ सार्वजनिक

झापा १० फागुन/ राधिका शाक्यद्वारा लिखित पुस्तक ‘मेरा अनुभूती’आईतबार दमकमा लोकार्पण गरिएको छ। 

नेकपा एमालेका अध्यक्ष एवम् पूर्व प्रधानमन्त्री केपी शर्मा ओलीकी पत्नी समेत रहनु भएकी शाक्यले लेख्नु भएका जीवनका अनुभवहरु समेटिएको संग्रहको नवसंस्करण एक कार्यक्रमका बीच लोकार्पण गरिएको हो । एमाले अध्यक्ष ओलीको प्रमुख आतिथ्यमा भएको कार्यक्रममा ओली सहित कोशी प्रदेशका मुख्यमन्त्री हिक्मतकुमार कार्की, मधेश प्रदेशकी पूर्वप्रमुख सुमित्रा भण्डारी लगायतले संयुक्त रुपमा कृति विमोचन गर्नुभएको हो। 

ओली र शाक्य बीचको बैवाहिक वर्षगाँठ समेत परेकाले पाणिनी प्रकाशनले उहाँहरुलाई अभिनन्दन समेत गरिएको थियो।कार्यक्रममा शाक्यले आफ्नो वैवाहिक जीवनका विभिन्न रोचक र भावुक क्षणहरु समेत सुनाउनु भएको थियो ।कृति पाणिनी प्रकाशनले बजारमा ल्याएको हो ।