मेरी आमा

भानुको किरण जस्ती पूर्व दिशा झुल्किने मेरी आमा 

पुर्णिमाको जुन जस्ती अँधेरी रातमा टल्किने मेरी आमा 

धानका बाला सरी आली आलीमा झुल्ने मेरो आमा 

बसन्त ऋतुको फूल जस्ती जताततै फुल्ने मेरी आमा

चाचा, पापा, खाना, नाना भनी फुर्क्याउने मेरी आमा

न्यानो काखमा ममताले छोपी सन्तान हुर्काउने मेरी आमा 

लाला, बालाको तोते बोलीसंगै तोताएर बोल्ने मेरी आमा 

दुख: र बेदनाको पोको पनि हाँसीहाँसी खोल्ने मेरी आमा 

ऐया भन्दा सन्तानले सुस्काउदै परेली भिजाउने मेरी आमा

खान्न भन्दा कोखाई कोखाई गरी रिझाउने मेरी आमा 

रातैभरि पहरा दिने कतिबेला मुन्टो लुकाउछिन मेरी आमा 

सन्तानका लागि सानै बनि सदा शिर झुकाउने मेरी आमा

औशीको रातमा चन्द्रमा बनेर उज्ज्यालो दिने मेरी आमा

सन्तानका पिर व्यथा गहभरी आशुभित्रै लिने मेरी आमा