मणिपुरमा साहित्य थौपाङ लुपले मनायो विश्व कविता दिवस
नेपाल ८ चैत्र /भारतको मणिपुर इम्फालमा साहित्य थौपाङ लुपले विश्व कविता दिवस धुमधामसित मणिपुर प्रेस क्लबमा शनिबार सम्पन्न गरेको छ।
साहित्य थौपाङ लुपका अध्यक्ष तोङ्ब्रम अमरजितको अध्यक्षतामा कार्यक्रम सम्पन्न भएको हो।मणिपुर प्रेस क्लब इम्फालमा आयोजित यस कार्यक्रमका मुख्य अतिथि मणिपुर साॅंस्कृतिक संस्थाका अध्यक्ष काङजम् राधाकुमार रहेका थिए ।
कार्यक्रममा यस वर्षको गोपाल शर्मा स्मृति पुरस्कार प्रापक हुनुहुन्थ्यो वयोवृद्ध वरिष्ठ कवि येङखोम बिहारी।
२१ मार्च २०२६ यसमा संस्थाद्वारा प्रदान गरिने पुरस्कार मध्ये एक महान पुरस्कार " गोपाल शर्मा स्मृति पुरस्कार" प्रदान गरिन्छ।पुरस्कार अलङ्करण पश्चात विभिन्न कोणबाट कविताका विषयमा चर्चा भएको थियो।
यसपछि साहित्य अकादमी पुरस्कारबाट पुरस्कृत कवि राजकुमार भुवनसनाका अध्यक्षतामा ५४ जना कविहरूले कविता पाठ गरी यस कार्यक्रमको महत्ता बढाएको जानकारी मणिपुरी कवि गोष्ठीमा सहभागी कवि भवानी अधिकारीबाट समाचार प्राप्त भएको छ।
विश्व कविता दिवसमा विभिन्न कोणबाट कविताको चर्चा परिचर्चा गरी मणिपुरी कविता पाठ गर्ने प्रचलन छ। जसले यस भाषाको विकासमा ठुलो भूमिका खेल्दछ।
विश्वभरीका कविहरुको सिर्जनात्मकताको सम्मानमा मनाइने यो दिवसलाई संयुक्त राष्ट्रसङ्घको शैक्षिक तथा सांस्कृतिक सङ्गठन यूनेस्कोले सन् १९९९ मा विश्व कविता दिवस मनाउने घोषणा गरेको थियो ।
कविता मार्फत भाषिक विविधता प्रवर्द्धन गर्ने, लोपोन्मुख भाषाहरूको संरक्षण गर्ने र विश्वभर कविहरूको योगदानलाई सम्मान गर्ने उद्देश्यले हरेक वर्षको मार्च २१मा कविता दिवस मनाइन्छ।
यस बर्षको विश्व कविता दिवस'शान्ति र समावेशीकरणको लागि पुलको रूपमा कविता' भन्ने नारा रहेको छ।
कार्यक्रममा विभिन्न भाषा भाषी र क्षेत्रका लेखक,कविहरूको भेलाले अनुवादका माध्यमले एक अर्कोको भाषाबीच बलियो सम्बन्ध राख्न पनि यो संस्था सक्रिय छ। नेपालसँग भने सहकार्य भएको छैन। बंगलादेश, म्यानमार आदि देश र मणिपुर बाहिर अनेक प्रदेशमा यस संस्थाले सहकार्य गर्दै आएको छ।
