तिर्खालु रहर

कविता 

तिर्खालु रहर          ✍️ राजिव आचार्य 
 **********
 खोइ, 
 जिन्दगी 
 कता कता खोज्दै हिड्यौ तिमी ?
 यदि बाडेरै 
 काम चलाउन मान्छौ भने 

आउ
आँखीझ्यालबाट 
पाएको सम्पूर्ण क्षितिज 
अनि अगालो भरी भरेको 
सिंगो आकाशभित्र 
एक थान जिन्दगी 
जोहो गरेर राखेको छु ! 

हुन सक्छ 
एक सप्को मन 
र एक सर्को तन 
पूरा नहोला न तिमीलाई 
असीमित चाहानाको 
भकारी भर्न, 

तै पनि तापी राख
साझा श्वासमा 
केही कम्पीत गर्मीहरु 

ताकी उर्जा मिलोस् तिमीलाई 
भौतारी रहेका केही                                 तिर्खालु रहरहरुलाई 
 सम्हालेर राख्न !!