गौरी तमूको ‘सैँप्रोल’ कविता सङ्ग्रह विमोचित

झापा २४ माघ/कवि गौरी तमुको नयाँ कविता कृति ‘सैँप्रोल’ काठमाडौंको प्रज्ञा प्रतिष्ठानमा शनिबार विमोचन गरिएको छ ।

 गुरुङ भाषा र साहित्यका क्षेत्रमा लामो समयदेखि क्रियाशील स्रष्टा हुन्।लेखकहरू राजन मुकारुङ,दीपक सापकोटा,रजनी ढकाल र गौरी तमूले कविता सङ्ग्रहको विमोचन गरेका हुन् ।
 विमोचनपछि किताब र कवितामाथि अन्तरक्रिया कार्यक्रम पनि सञ्चालन गरिएको थियो । अन्तरक्रियामा ‘सैँप्रोल’ गुरुङ भाषा र संस्कृति चियाउने आँखिझ्याल भएको र आदिवासी–जनतजातीसम्बन्धीको पहिचान साहित्य नै मुलधारको साहित्य भएको राजन मुकारुङले बताए ।

‘सैँप्रोल’ का कविताहरू प्रतिरोध र आक्रोशका प्रश्न भएको दीपक सापकोटाले बताए । ‘यो किताब तमू मिथकमा आउने महिला पात्रको नाम मात्रै होइन । तमू (गुरुङ) महिलाको अस्तित्व, असन्तुष्टि र आक्रोशको बहस, विमर्श र प्रश्न पनि हो’, सापकोटाले भने, ‘महिलाको विद्वता र क्षमतामाथि गरिएको प्रश्नप्रति प्रतिरोध हो– सैँप्रोल । 
‘सैँप्रोल’ का कविताले गुरुङ–संस्कृति र पहिचानमाथि गम्भीर विमर्श गर्ने रजनी ढकालले बताइन् । 

किताबले महिला अस्तित्वसँगै तमू (गुरुङ) हरूको उत्पत्ति, संस्कृति, मृत्यु संस्कार र तमूसँगै आदिवासी भूगोल–संस्कृतिमाथिको आक्रमणबारे विमर्श गर्ने आशा राखिएको कवि गौरी तमूले बताइन् । तमूको यसअघि गुरुङ–नेपाली भाषाको द्विभाषिक मुक्तक संग्रह ‘समैँ दर्बानी’ प्रकाशित छ ।
इन्डिगो इन्कले प्रकाशन गरेको कविता–किताब ‘सैँप्रोल’ को मूल्य २७५ रुपैयाँ रहेको छ ।