दिदी अनि देवता

यो सुन्दर ब्रह्माण्डमा
जब मैलेँ 
दिदी भनेर 
दिदीलाई नै पहिचान गर्नु अघि 
मेरी प्यारी दिदी 
कसैको जीवनमा 
चम्पा चमेली झैँ 
सजी सक्नु भएको रहेछ
मेरो आफ्नो दिदी 
केवल एकमात्र प्यारो दिदी ।

उस बेला प्रत्येक दशैँमा
दिदी आउनु हुन्थ्यो 
र दिदी सँगै 
दिदीका अरू मनहरूको पनि 
ख़ुशी साथ 
रातो टिका अनि जमरा लगाई 
आशीष लिनु हुन्थ्यो 
तर आज भोली 
दशैँ आउँछ जान्छ 
अनि तीज आउँछ जान्छ 
तर अपसोच 
भिनाजुको माइत जानु भएकी मेरी दिदी 
कहिल्यै आउनु हुन्न ।

( दशैँ पछिको पूर्णिमालाई 
विदाईका हातहरू नहल्लाउँदै )२
हामी माझ 
त्यो औँसीको रात सँगै 
तिहारको आगमन हुन्छ 
त्यही औँसीलाई साक्षी राख्दै 
चेली र माइतीको सम्बन्ध प्रगाढ बनाउँदै 
दिदीको हातबाट 
सप्तरंगी टिका 
खुशीसाथ लगाइन्थ्यो 

( तर आज भोली )२ 
न त दशैँमा दिदी आउनु हुन्छ 
न त भाई टिका मनाउन हामी जान्छौँ 
( किनकी )२
दिदीको मन भित्रको 
देवता कोठामा 
देवता नै परिवर्तन भएको छ ! 

- ‘दियालो’ सुसन माझी