भरिया
लघुकथा
"ऊ त्यो भाइ ठिक छ । ज्यान तगडा छ । उसले सजिलै भारी बोक्छ ।" बिमललाई देखेर नेता जस्तो देखिने दुई भुँडेहरु बोले । बिमललाई झोला बोकाएर अन्नपूर्णा बेस क्याम्पको यात्रा सुरु भयो । पहिलो दिनको यात्रा नयाँ पुलबाट अगाडि बढ्यो । घोडेपानीमा पुगेर त्यो दिनको विश्राम भयो । जब काम सकियो उनी आफ्नै पारामा नयाँ पहिरन तथा ठाँटमा गीत गाउन थाले । सबैको प्रभाव बिमलमा पर्यो । ती नेता जस्ता देखिने श्वेत... हरुले भने- " भरिया भएर मालिकको भन्दा बढी ठाँट देखाउँदो रहेछ । यो भाइले औकात भुल्यो ।" नेताको कुराले होटल साहुनीको मन चसक्क चस्कियो । उनले मुख खोलिन्, मान्छेको स्तर ज्ञान तथा सिर्जनाले निर्धारण गर्दछ । भाइले भारी छोडी सक्नु भयो । आफ्नो निर्णय लिन नसक्नेहरुले समाजवाद, साम्यवाद र मार्क्सवादका भारी बोकेको देख्दा म अचम्म छु ।" हो हल्ला सुनेपछि जुठो भाँडा छोडेर फूलमती बोलिन्, " देश मालिकहरुले चलाएको भए पो जनताको बोध हुन्थ्यो ।"
लेखक हेलम्बु - ६, सिन्धुपाल्चोकमा बसोबास गर्नुहुन्छ
