भीमबहादुर स्मृति प्रतिष्ठान नेपालबाट प्राडा.भीम खतिवडा र कविता राई सम्मानित
झापा ६ बैशाख /भीमबहादुर स्मृति प्रतिष्ठान नेपालले प्राडा.भीम खतिवडालाई सम्मान र कविता राईलाई शनिबार धरानमा पुरस्कृत गरेको छ।
कार्यक्रममा नेपाली भाषा-साहित्यको साहित्यिक
श्रेष्ठता र उन्नयनका निम्ति अमूल्य योगदान पुर्याएबापत`भीमबहादुर स्मृति साहित्य सम्मान २०८२´बाट नेपाल सरकारका पूर्वशिक्षाध्यक्ष वरिष्ठ विद्धान् प्राडा.भीम खतिवडा,धरानलाई सम्मान गरेको हो भने `भीमबहादुर स्मृति साहित्य पुरस्कार २०८२´बाट चर्चित स्रष्टा कविता राई (भोजपुर) लाई पुरस्कार प्रदान गरेको हो।पुरस्कार राशि १५ हजार ५५५ रुपैयाँ र सम्मानपत्र रहेको थियोे ।
कार्यक्रममा उपप्राध्यापक डा.सुभाष न्यौपानेले कृतिमाथि चर्चा गरेका थिए ।
वि.सं. २०७९ सालमा स्थापना भएको प्रतिष्ठानले प्रत्येक वर्ष एकजना विशिष्ट व्यक्तित्वलाई `भीमबहादुर स्मृति सम्मान´ तथा एकजना विशिष्ट व्यक्तित्वलाई `भीमबहादुर स्मृति पुरस्कार´प्रदान गर्दै आएको छ ।
२०७९ सालमा सम्मानतर्फ पद्मश्री लीलबहादुर क्षेत्री(असम,भारत) र पुरस्कारतर्फ जानु काम्बाङ (हङकङ) लाई प्रदान गरिएको थियो।२०८० सालमा सम्मानतर्फ डा.मधु माधुर्य(अमेरिका) र पुरस्कारतर्फ दीपक सुवेदी(झापा,नेपाल)सम्मानित भएका थिए।२०८१ सालमा सम्मानतर्फ सी.पी.शर्मा(सिक्किम,भारत)र पुरस्कारतर्फ डा.नारद पोखरेल (अमेरिका) सम्मानित भएको भीमबहादुर स्मृति प्रतिष्ठान नेपालका संरक्षक तथा
संस्थापक सुरेन्द्र लिम्बु परदेशीले बताए । 
होटल रत्न इन,धरानको प्रेक्षालयमा भएको कार्यक्रमा उपाध्यक्ष भीम विरही राईले स्वागत मन्तव्य राखेका थिए भने कार्यक्रम सञ्चालन सचिव बुद्धि तेम्बे माइलाले गरेका थिए।
