आमा म अब लायक भएँछु सास बन्न

सजिलो छैन सधैँको लागि खास बन्न।
बिग्रह नहुने कुरा सक्दैन समास बन्न।

टुकीहरूले पनि जलाउँला झैँ गर्न थाले,
मेरो इज्जतले दिँदैन अझै बतास बन्न।

कोही लिँदैछन् कोही फाल्दैछन् मलाई,
आमा म अब लायक भएछु सास बन्न।

पहिले झैँ हुन कहाँ सक्छ र जिन्दगी,
जलेको बाती कहाँ सक्छ कपास बन्न।

तिम्रो आँखाको आँसु पक्कै सुकाउनेछु,
धैर्य गर समय लाग्छ मलाई निकास बन्न।

प्रदीप रोदन
   गोरखा