कृष्ण काश्यपको गजल

कति गल्ती भूलमा हुन्छ कति जानाजान हुन्छ
याद गर्नु पिरतीमा हार्नेको नै सम्मान हुन्छ

देवता पनि मै जस्तो नै डराएर होला सायद
नत्र किन डरलाग्दो ठाउँमा देवीथान हुन्छ

बाँच्ने आशको मैदानमा पराजय हुँदा पनि
त्यो मान्छे महान् हुन्छ जसको ओठमा मुस्कान हुन्छ

खुसी नै छु सुखी नै छु तरपनि कहिलेकाहीँ
यो जिन्दगी धेरै भयो भन्ने मलाई भान हुन्छ ।

                          (सराब गजल सङ्ग्रहबाट)