तिमी पारिजात जस्तै फूल्नु

फूल आफैँमा पवित्र छ 

चाहे त्यो कमल होस् चाहे मखमली 

चाहे त्यो गोदावरी होस् चाहे सुनाखरी 

कोहि प्रेमको प्रतिक हुन् त कोहि शान्तिको 

कोहि सक्तिको त कोहि सृजनाको 

तर 

सबै फूल प्रतिक हुन् सुन्दरताको 

सयौँ फूलहरू फूल्छन् बगैंचामा

तर 

तिमी चैं पारिजात जस्तै फूल्नु

जब कि

तिमी भूईंमा झरीसकेपछी पनि 

तिमीलाई उठाएर सिरमा सजाउन्

गलामा सजाउन्

मन्दिरमा सजाउन्

तिमी झरे पनि

तिम्रो महत्व कहिल्यै नझरोस्

पातलो अन्तरे