स्वप्नआशक्ति

स्वप्नआशक्ति                       - राज आशातीत

त्यो बाटोभरि टक्र्याकटुक्रुक बसेका
 खण्डहरजस्तै रहरहरुको रहर सङ्गालेर,
 भोकको बदलामा
 सिङ्गो सन्तोष लिएर,
 आस्थाको बदलामा..... गोल मस्तिष्क बोकेर,
 कागजमा कोरिएको
 एउटा टिठ लाग्दो भविष्य साथ लागेर
 म यो बाटोमा आइपुगेको छु ।
 यहाँ मलाई
 चारैतिरबाट आइरहेका आवाजहरु
 साह्रै उच्चाटलाग्दा लागिरहेछन्
 विवेकबाट लखेटिएका यत्नहरु,
 तर्कबाट प्रतिस्थापित प्रकृति,
 मोहबाट उत्पन्न विकार-व्यवहार
 झट्ट हेर्दा सगरमाथाभै उँचो देखिइरहेछ !
 फूलहरुको स्पर्शमै पनि
 भयानक आँधीको सामना गर्दै
 रक्ताम्य चेतना बोकेर
 म एउटा यस्तो आशक्ति पालिरहेछु
 यो स्वार्थ नामक विषको अन्त्य भएको हेर्ने
 जसरी
 कुनै भयानक तर शानदार नियात्रा सपनामा
 अकस्मात मार्गहरुको अन्त्य हुने गर्छ ।
 इटहरी, सुनसरी