पुष्पलाल स्मृति दिवस मनाइँयो।
![Cover Image for News](https://nepalisahitya.com/storage/197/01J3CP9KC072QQAZZW1XWZXPK5.jpg)
आज नेपाल कम्युनिष्ट पार्टी(नेकपा)शिवसताक्षी नगर कमिटीको आयोजनामा संस्थापक महासचिव पुष्पलालको ४६ औँ स्मृति दिवस वृक्षारोपण गरी मनाइँयो ।
शिवसताक्षी नगरपालिका ९ स्थित चिल्लागढ धाम तीन बिघा क्षेत्रफलमा फैलिएको छ । १४ कट्ठा १० धुर जमिनमा ‘यज्ञ कुण्ड’ छ ।
ऐतिहासिकता र धार्मिक महत्वले भरिपूर्ण भएको यो ठाउँ स्थानीय सरकार आएपछि यस्ले मुहार फेरेको देखिन्छ ।
बृहत वृक्षारोपण तथा सरसफाइ कार्यक्रम शिवसताक्षी नगर कमिटीका अध्यक्ष मेदनी दंगालको अध्यक्षता एवम् कोशी प्रदेश कमिटी सदस्य भरत इन्दिरा बस्नेतको प्रमुख आतिथ्यमा सम्पन्न गरिएको थियो।
`व्यक्तिगत जीवनमा कठोर निर्वासित जीवन बिताउन, अभावैअभावमा बाँच्न र कष्टपूर्ण अवस्थामा मृत्युवरण गर्न परे पनि पुष्पलालले राष्ट्र र जनताप्रतिको निष्ठालाई कहिल्यै कमजोर हुन नदिएको प्रमुख अतिथि बस्नेतले कार्यक्रममा उनको योगदानको चर्चा गर्दै बताइन् ।
स्मरण रहोस् विसं २००६ वैशाखमा चार जना साथी निरञ्जनगोविन्द वैद्य, नारायणविलास जोशी, नरबहादुर कर्माचार्य र मोतीदेवी शाक्यसँग मिलेर उनले पहिलो पटक भारतको कोलकातामा बसेर नेकपा स्थापना गरेका थिए ।
विसं १९८१ असार १५ गते रामेछाप जिल्लामा पिता भक्तलाल र आमा तुलसीकुमारीका माहिला छोराका रुपमा जन्मिनुभएका पुष्पलालले प्रवासमा बसेर नेकपाका गतिविधि गरेका थिए । उनी सहिद गङ्गालालका भाइ हुन् ।
उनले स्थापना गरेको नेकपा विभिन्न चिरामा भए पनि अहिले वामपन्थीहरुको संसद्मा राम्रो उपस्थिति छ र कुनै समूह सदन बाहिरको भूमिकामा छन् । नेपालका प्रायः सबै कम्युनिस्ट पार्टीले पुष्पलालप्रति श्रद्धा राख्ने गरेका छन् ।
नेपाली काङ्ग्रेस लगायत प्रजातान्त्रिक शक्तिसंँग मिलेर संयुक्त जनान्दोलन गरी पञ्चायत व्यवस्था ढाल्नुपर्छ भन्नेमा पुष्पलाल सधैँ लागिरहे ।
अध्ययनशील नेताका रुपमा परिचित पुष्पलालसंँग नेपालको वर्तमान स्थितिका बारेका कार्यदिशा दिने क्षमता रहेको थियो । उनले नेपालको गहिरो इतिहास अध्ययन गर्नाका साथै केही पुस्तक पनि प्रकाशन गरेका छन् ।
नगर कमिटीको आयोजनामा सोमबार चिल्लागढ धाम परिसरमा विभिन्न प्रजातिका आकर्षण र आन्तरिक पर्यटनलाई टेवा दिने खालका सुगन्ध युक्त फुलहरु र विभिन्न प्रकारका करिव २५० प्रजातिका वोटविरुवा रोपिएको अध्यक्ष दंगालले बताए ।
पुष्पलालको तस्बिरमा श्रद्धाका पुष्प गुच्छाहरु अर्पण गरि औपचारिक कार्यक्रमको थालनी गरिएको थियोे ।कार्यक्रममा शिवसताक्षी नगर प्रमुख रोशन थोप्रा,फूर्वा लामा,धनबहादुर थेवे,गोमा रिजाल विशेष उपस्थिति रहेको थियोे ।
कमिटीका सचिव लक्ष्मी गुरागाईँले संचालन गरेको कार्यक्रममा स्वागत मन्तव्य उपाध्यक्ष विष्णुप्रसाद प्रसाईंले गरेका थिए।
पुष्पलालको विसं २०३५ साउन ७ गते भारतको नयाँदिल्लीमा उपचारका क्रममा निधन भएको थियो।
![User](https://nepalisahitya.com/images/user.png)
![१५९औँ मोती जयन्तीमा 'गजल विशेष वृहत् साहित्यिक कार्यक्रम'सम्पन्न](https://nepalisahitya.com/storage/320/01J6SQE976DC9BHD53DW3SB6VS.jpg)
![लेखनाथ पुस्तकालयले मनायो १७औँ पुस्तकालय दिवस](https://nepalisahitya.com/storage/314/01J6MPJT0A49GC37P0FSA77J1C.jpg)
![सुरभिमा पुस्तक लोकार्पण र आख्यान वाचन](https://nepalisahitya.com/storage/313/01J6MMA73P9F5M2QARF4NVCBS0.jpg)
![टीकाको ‘मूर्च्छना’ गीत सङ्ग्रहको गरियो गृह विमोचन तथा विमर्श](https://nepalisahitya.com/storage/312/01J6MKGKPE8F7PDAXXDXF6BK52.jpg)