‘परान’ बन्यो २०८२ को सर्वाधिक कमाउने नेपाली फिल्म

झापा २६ चैत्र/नीर शाहको मुख्य भूमिका रहेको चलचित्र ‘परान’-२०८२ सालमा घरेलु बक्सअफिसमा सबैभन्दा धेरै कमाउने नेपाली फिल्म बनेको छ । 

यस वर्ष ५६ वटा नेपाली चलचित्र प्रदर्शनमा आए । जसमध्ये नीर शाहको मुख्य भूमिका रहेको फिल्म ‘परान’ २०८२ सालमा घरेलु बक्सअफिसमा सबैभन्दा धेरै कमाउने नेपाली फिल्म बनेको हो। 

चलचित्र विकास बोर्डले सोमबार सार्वजनिक गरेको वर्षभरि रिलिज भएका नेपाली फिल्मको सूची ‘परान’ सबैभन्दा अगाडि देखिएको हो । 
‘परान’ले १७ करोड ७६ लाख ८४ हजार ४१० रुपैयाँ ग्रस कमाइ गर्दै अग्र स्थान कायम गरेको हो । फिल्मको टिकट ६ लाख ३० हजार ६९१ वटा बिक्री भएका छन् । 

त्यसैगरि यसवर्ष धेरै कमाउने फिल्मको दोस्रो स्थानमा पल शाहको मुख्य भूमिका रहेको फिल्म ‘आबाट आमा’ रहेको छ । त्यसैगरि अनमोल केसीको ‘जेरी अन टप’ तेस्रोमा छ भने चौथोमा ‘ऊनको स्विटर’ रहेको छ ।