पराजय

पराजय  

                    – तेजेन्द्र घिमिरे
 म बुझ्न सक्छु
 तिम्रो रजस्वलाको पीडा
 म जान्दछु तिमीले गर्भिणी भएर
 दश-दश महिनासम्म
 निकै कष्टपूर्वक बिताएको
 जीवनको एक खण्ड
 अत्यास र हर्षको श्रृङ्खला
 र थाहा पाएको छु निकै नजिकबाट
 तिम्रो प्रसवको उज्यालो वेदना
 तर पनि
 मलाई किन यस्तो लाग्छ 
 तिमीले जीवनको सय युध्दमा
 विययी हासिल गर्दैछ्यौ 
 र पराजित हुदैछु म 
 हुनत मैले यस्तो त्यसबेलै मानेथें
 जब म पूर्णरुपमा तिमीमै लिन हुदै
 सम्पूर्ण उर्जा तेजबोध गरि 
 तिमीमा समर्पित भइरहँदा
 अनानक  स्खलित हुनुपर्छ मैले 
 वा स्खलित पार्छौ तिमीले
 हो त्यसबेला‚
 जीवनको बाजी जित्दै 
 हुन्छ्यौ तिमी र 
 हारीरहेको हुन्छु म ।  

                     -  शिवसताक्षी धरमपुर झापा