जवाफ दिऊँ अब

लेखक: सानु शर्मा पोष्ट - खगिन्द्रा खुसी · प्रकाशन मिति: असोज १, २०८१ १२:१७ PM

जवाफ दिऊँ अब केकेलाई गनेर
कसरी भनूँ म जिउँदो छु भनेर

केवल मुटु चल्नु जीवनको चिन्ह होइन
त्यसै बाँचिरहनु जीवन हुँदै होइन
केके गरेँ मैले केही लेखा छैन
जवाफ दिऊँ अब केकेलाई गनेर

चल्नु जीवन भए, घडी जिउँदो हुन्थ्यो
देखिनु बाँच्नु भए, लास बाँच्या हुन्थ्यो
जीवन खोई कहाँ छ, भेट्न नै गाह्रो भो
जवाफ दिऊँ अब केकेलाई गनेर

गीत

- सानु शर्मा

ट्यागहरू:

सहित्य literature puraskar svikarokti nepalisahitya

टिप्पणीहरू