गजल - मान्छे म

कहिले कसो सबैले मन पराएको मान्छे म 
सपनै सपनाको संसारमा हराएको मान्छे म ।

अहिले मलाई लाग्छ, आफ्नै जीन्दगी निस्सार
कुनै दिन भाइ भतिजालाई चराएको मान्छे म ।

खै किन छट्पटीन्छु अचेल बार बजे राति पनि ? 
कुनै समय दिन्मै मस्तसँग उगराएको मान्छे म ।

कति सारो अल्छि बनायो यो सहरले मलाई 
गाउँमा छदा भिर-पहरा फराएको मान्छे म ।

आफै अन्यायमा पर्दा कसरी चुप्चाप बस्न सकेको ?
कुनै बेला अरुको न्यायका लागि कराएको मान्छे म।

उदीयमान गजलकार
लेखक :- टिकाराम कार्की (बगर) 
             बेलबारी-५, मोरङ्ग