एउटा गजल

के लेखौँ र कथा यो आँसु छचल्किन्छ जब

मायाके घर आफ्नै अघि भत्किन्छ जब

तिमी बाहेक दुनियाँमा केही छैन भन्नेहरु

स्वार्थ पुर्याई उही पलभरमै बद्लिन्छ जब

तिमीलाई नै यो मुटु दिइसकेँ भन्नेहरु

त्यही मुटु अर्कैका लागि धड्किन्छ जब

तिमी जस्तै भएपनि लाखौँ छौ मेरा लागि

भन्ने मान्छे मलाई देखि तर्किन्छ जब

पर्खाईको पीडाहरु यति अनन्त छ कि

यही पर्खाइमा यो जीवन सकिन्छ जब

प्रेम राई परीक्षित