“एपेक राष्ट्रिय कविता महोत्सव” काठ्माडौँमा चाैध कविका कविता वाचन

हिँजो श्रावण १२ गते काठमाण्डौमा “एपेक राष्ट्रिय कविता महोत्सव” सम्पन्न भएको छ । साहित्यिक गतिविधिका दृष्टिले अग्रणी संस्था एपेक नेपालले आयोजना गरेको कार्यक्रम नेपाल पर्यटन बोर्ड भृकुटीमण्डप , काठमाडौंमा सम्पन्न भएको हो । सात प्रदेशका ख्यातिप्राप्त १४ जना कविहरुद्वारा कविता वाचन गरिएको उक्त कार्यक्रममा कविहरु रेणुका जिसि- मधेश, अस्मिता वादी-कर्णाली, विपी अस्तु-लुम्बिनी, कल्पना जोशी-सुदुर पश्चिम, रोशन परियार - कोशी, लीला अनमोल-कोशी, अदीप अधिकारी-बाग्मती, अमृत-गण्डकी, अविनाश भट्टराई-मधेश, देवव्रत-सुदुर पश्चिम, यश लामा- बाग्मती, रोशन पुन-गण्डकी, भूमिका थारु-लुम्बिनी, हेमप्रकाश मञ्जिल- कर्णालीले आफ्ना एक-एक कविता वाचन गरेका थिए । 

 नेपाल एयरलाइन्सको सहकार्यमा सम्पन्न भएको उक्त महोत्सवमा ७ प्रदेशलाई प्रतिनिधित्व गर्दै आएका १४ युवा कविहरूका साथमा अभिभावक कविहरु तुलसी दिवस, राजेन्द्र शलभ, विश्वमोहन श्रेष्ठ, बाबु त्रिपाठी, तथा प्रज्वल अधिकारीका कविता समेत प्रस्तुत भएका थिए । “एपेक” नेपाल लेखक, प्रकाशक तथा सम्पादकहरूको समूह हो ! २०५५ सालमा स्थापना गरिएको साहित्यिक संस्था एपेक नेपालको भाषा  साहित्यका क्षेत्रमा लामो इतिहास रहिआएको छ ।

लेखकहरूलाई प्रोत्साहन गर्न, तिनिहरूको कृति सम्पादन एवम् प्रकाशन गर्न, विभिन्न माध्यमबाट प्रचारप्रसार गर्न र सबैको साझा साहित्यिक मञ्चको रुपमा विकास गर्ने उद्देश्यले स्थापना गरिएको एपेकको ‘एपेक राष्ट्रिय काव्य महोत्सव’लाई एक भिन्न साहित्यिक प्रस्तावना र नुतन साहित्यिक अभियानको रुपमा लिइएको छ । यसले ७ वटै प्रदेशको मौलिकता सहितको काव्यिक प्रतिबिम्ब प्रदर्शन गर्ने विश्वास लिएको कुरा बताइएको छ ।