भद्रपुरको भानुचोकमा भानु जयन्ती
आज भानु जयन्ती, विश्वभरका नेपालीहरुले भानु जयन्तीलाई विशेष रुपमा मनाएका छन् । सोही क्रममा झापाको भद्रपुरमा पनि भानु विशेष कार्यक्रम सम्पन्न भएको छ । भद्रपुर नगर कला साहित्य तथा सङ्गीत प्रतिष्ठान तथा देवकोटा स्मृति भवनको संयुक्त आयोजनामा सम्पन्न कार्यक्रममा प्रतिष्ठानका कला तर्फका उपाध्यक्ष फडिन्द्र पोख्रेलको सभाध्यक्षता तथा नगरप्रमुख गणेश पोख्रेलको प्रमुख आतिथ्य रहेको थियो ।
स्थानीय पचास भन्दा बढी स्रष्टाहरुको उपस्थिति रहेको कार्यक्रममा कवि विरही अधिकारी, राजेश ढुङ्गाना, अनिता राजवंशी, राजेन्द्र कश्यप, डिल्लीरमण नेपाल, लता खरेल, गीता सुवेदी नेपाल, उषा गुरुङ, हरि प्रसाद न्यैपाने, तुलसी प्रसाद काफ्ले, हेम प्रसाद खनाल, उमाकान्त पोख्रेल, पिताम्बर अधिकारी, सत्यनारायण तायल तथा बाल कवि सफलता फुयँल लगायत डेढ दर्जन कविहरुले भानु सम्बन्धी कविता वाचन गरेका थिए । नेपाल प्रज्ञा प्रतिष्ठानका प्राज्ञ सभा सदस्य हरि पौडेल, भद्रपुर नगरपिलका वडा न ६ का अध्यक्ष रतिया राजवंशी, तथा ९ का वडाध्यक्ष राम प्रसाद दाहाल, प्राध्यापक होम सुवेदी, रुद्रगौरी श्री अम्बिका ओलि प्रतिष्ठानका अध्यक्ष गंगा प्रसाद ओली लगायत अग्रज तथा प्रतिष्ठित ब्यक्तित्वहरुको विशेष अतिथ्यमा सम्पन्न भएको कार्यक्रममा प्रमुख अतिथिले भद्रपुरमा भाषा साहित्यको उत्थानका लागि यथासक्य सहयोग गरिएको छ र यो सहयोग निरन्तर चलिरहनेछ भन्ने धारणा मन्तव्यका क्रममा ब्यक्त गरेका थिए । कार्यक्रम विहान आठ बजेदेखि दश बजेसम्म सन्चालन भएको थियो ।
