भर्जिनियामा जयदेव गौतमको 'पुस्तकको अँगालोमा' कृतिको परिचर्चा

झापा, पौष १३ । अमेरिकाको भर्जिनियामा एक साहित्यिक कार्यक्रम सम्पन्न भएको छ । कार्यक्रममा पत्रकार तथा लेखक जयदेव गौतमको 'पुस्तकको अँगालोमा' नामक कृतिको परिचर्चा गरिएको थियो । भर्जिनिया राज्यको फल्स चर्च शहरको टमससेफरसन पुस्तकालयमा सम्पन्न भएको सो कार्यक्रममा नारायण अधिकारी तथा तीर्थ पाण्डेले कृतिमाथि परिचर्चा गर्नुभएको थियो । 

पत्रकार तथा स्रष्टा गोविन्द गिरि प्रेरणाको सभाध्यक्षतामा सम्पन्न सो कार्यक्रममा पचास भन्दा बढी स्रष्टा सर्जकको उपस्थिति रहेको थियो । वयालिसवटा पुस्तकहरुको समीक्षा रहेको सो कृति 'पुस्तकको अँगालो'को परिचर्चा कार्यक्रममा संयुक्त राज्य अमेरिकाका लागि नेपाली कार्यवाहक राजदूत शरदराज आरणले आफ्ना धारणा राख्नुभएको थियो भने कार्यक्रमको सन्चालन स्रष्टा पुष्पा खनालले गर्नुभएको समाचार स्रष्टा रमेश खनालबाट प्राप्त भएको छ ।