असोज १२ गतेदेखि धरमपुरमा फुटबल प्रतियोगिता हुने

 असोज १२ गतेदेखि युवा तथा भेट्रान नकआउट फुटबल प्रतियोगिता हुने

९असोज धरमपुर/वडा खेलकुद विकास समिति,शिवसताक्षी नपा.-१को आयोजनामा युवा तथा भेट्रान नकआउट फुटबल प्रतियोगिता-२०८१ आयोजना गरिने भएको छ।
 `युवाहरुलाई लागुऔषध तथा दुर्व्यसनीबाट टाढा रहन ´राष्ट्रका लागि खेलकुद, स्वास्थ्यका लागि खेलकुद" भन्ने मुल नाराका साथ यस वडा खेलकुद विकास समिति,शिवसताक्षी नपा.-१, धरमपुर,झापाद्वारा खेलकुदको आयोजना गरिएको हो।
 प्रतियोगिता शिवसताक्षी नगरपालिका वडास्तरीय `युवा तथा भेट्रान नकआउट फुटबल प्रतियोगिता-२०८१´ शिवसताक्षी न.पा. १, फुलबारी रङ्गशालामा यहि असोज १२ गते शनिबारदेखि असोज २४ गते बिहिबारका दिनसम्म सञ्चालन हुने र फुटबल प्रतियोगितामा युवातर्फ १२ वटा टिम र भेट्रानतर्फ ८वटा टिमको सहभागी रहेको वडा खेलकुद विकास समितिका संयोजक दिपक दाहालले पत्रकार सम्मेलनमा बताए ।
प्रतियोगितामा शिवसताक्षी नगरपालिका ,शिवसताक्षी-१ वडा कार्यालय,सह-प्रायोजक र प्रायोजक वभिन्न संघ संस्था कम्पनी,व्यक्तिहरुबाट अनुमानित सात लाख आम्दानी हुने र प्रथम पुरस्कार युवातर्फ ५१ हजार रुपैयाँ र दोस्रो पुरस्कार ३१ हजार रुपैयाँ र प्रथम पुरस्कार भेट्रानतर्फ ३५ हजार रुपैयाँ र दोस्रो पुरस्कार २५  हजार रुपैयाँ र सिल्ड ,ट्रफी ,मेडल आदिमा अनुमानित ६लाख ४७ हजार रुपैयाँ खर्च हुने आर्थिक संयोजक लिलाबहादुर जोशीले बताए ।
प्रतियोगिताको युवातर्फको उद्घाटन खेल शिवसताक्षी वडा -१ र शिवसताक्षी वडा -४ बीच असोज १२ गते हुने र भेट्रानतर्फको खेल भने असोज १३ शिवसताक्षी वडा -८ र शिवसताक्षी वडा -१०बीच असोज १३ गते हुनेआयोजक समितिका सदस्य पेमा तामाङले पत्रकार सम्मेलनमा जानकारी दिए।
पत्रकार सम्मेलन शिवसताक्षी वडा -१का वडा अध्यक्ष लक्ष्मीप्रसाद चेम्जोङको प्रमुख आतिथ्य र वडा खेलकुद विकास समितिका संयोजक दिपक दाहालको अध्यक्षता भएको थियो ।कार्यक्रमको सञ्चालन भने समितिका सदस्य अर्जुन राईले गरेका थिए ।