अमेरिकामा ‘रन्जित गजमेर उत्सवः जीन्दगानी दर्पणछाया’ कार्यक्रम हुने
अमेरिका, हेरिसवर्गको पेन्सिलभेनियामा एक बृहत् साङ्गीतिक कार्यक्रम सम्पन्न हुने भएको छ । कार्यक्रम नक्षत्र फाउन्डेसन, मेनुका मेमोरियल फाउन्डेसन तथा भूटानी नेपाली कलाकार संघको संयुक्त आयोजनामा यही जुलाई महिनाको १३ तारिकका दिन सम्पन्न हुनेछ । नेपाली सङ्गीत क्षेत्रका वरिष्ठ सङ्गीतकार रन्जित गजमेरको सम्मानार्थ आयोजना गरिएको उक्त कार्यक्रमको नाम ‘रन्जित गजमेर उत्सवः जीन्दगानी दर्पणछाया’ दिइएको छ । गजमेरले सङ्गीत गरेका नेपाली गीतहरुमात्र गाइने उक्त कार्यक्रममा सङ्गीतकार स्वयंका साथमा नेपाल र अमेरिकाका विभिन्न गायक गायिकाहरुले वाद्यवादनहरु सहित (लाइभ) गीत गाउनेछन् ।
तीनवटै आयोजक सँस्थाहरु नेपाली गीत सङ्गीतको श्रीबृद्धिका लागि अमेरिकामा निरन्तर लागिरहे तापनि यस प्रकारको कार्यक्रम भने पहिलो पटक गर्न लागिएको हो सशुल्क अर्थात टिकट सिस्टमबाट हेर्न सकिने यस कार्यक्रमलाई अमेरिकाका नेपाली सङ्गीतप्रेमी दर्शक, स्रोताहरुले व्यग्रताका साथ प्रतीक्षा गरिरहेको कुरा आयोजक समितिका सदस्य स्रष्टा पातलो अन्तरेले जानकारी गराएका छन् ।
