विश्वासमाथि उभिएर- सुदर्शन पोखरेललाई हेर्दा - पातलो अन्तरे

विश्वास र सपनाका यात्रु सुदर्शन पोखरेलको कवितासंग्रह विश्वासमाथि उभिएर प्रकाशन भएको खबरले हृदयभरि खुसीको लहर छाएको थियो र पुस्तक प्राप्त भएर त्यसभित्र प्रवेश गर्दा मनमा धेरै किसीमका भावहरू उत्पन्न भए। शब्द शक्ति र अनुभूतिका तरंगलाई कलात्मक रूपमा अभिव्यक्त गर्ने पोखरेलजीका कविताले पाठकको मनमा गहिरो छाप छोड्नेछन् भन्ने विश्वास छ। 

साहित्यले समाजलाई मार्गदर्शन गर्छ भन्ने विश्वास गर्ने सर्जकको रूपमा सुदर्शन पोखरेलको योगदान महत्वपूर्ण छ। उनका सिर्जनाहरूले पाठकलाई विचार गर्न, अनुभूति गर्न र भावनाको गहिराइमा डुब्न प्रेरित गर्छन्। विश्वासमाथि उभिएर नामले नै विश्वासको बलियो आधार दर्शाउँछ, जसले हामीलाई अँध्यारो परिस्थितिमा पनि उज्यालोको खोजी गर्न हौसला दिन्छ।

यस कवितासंग्रहको अपार सफलता र पाठकको मनमस्तिष्कमा गहिरो प्रभाव पार्ने विश्वासका साथ, सुदर्शन पोखरेललाई हार्दिक बधाई तथा अझ सशक्त कलमी भविष्यका लागि शुभकामना। 

पातलो अन्तरे

GBLO General Secretary