दमकमा कवि यश लामाको ´बहिष्कृत आवाज´ विमर्श सम्पन्न
दमकमा हेटौंडाका कवि यश लामाको ´बहिष्कृत आवाज´ विमर्श कार्यक्रम सोमबार सम्पन्न गरिएको छ।
नेपाल लिटेररी ग्रुप,दमक झापाको आयोजना र किरात मुन्धुम प्रतिष्ठान ,मन्थन झापा ,रिडर्स ग्रुपको सहकार्यमा दमक लिटेररी ग्रुप दमक,झापाका अध्यक्ष कवि प्रकाश बुढाथोकीको अध्यक्षतामा कार्यक्रम सम्पन्न गरिएको हो।
नेपाल प्रज्ञा प्रतिष्ठानका प्राज्ञद्वय सुमित्रा वाङ्देल चेली र मुनाराज सेर्माको उपस्थितिमा दमक स्थित द लाटे आर्ट क्याफेमा सोमबार साझ कवि यश लामाको कविता संग्रह बहिष्कृत आवाज विमर्श कार्यक्रम सम्पन्न गरिएको कवि विराट किरातीले जानकारी दिएका छन्।
पाँच सर्जकहरुले यश लामा कृत बहिष्कृत आवाज कविता संग्रहबाट एक एक वटा कविता वाचन गरेका थिए ।
कविता वाचन गर्ने कविहरुमा "गाउँ तिम्रै पर्खाइमा छ" कविता वैदिक अत्रीले,"माटोको गीत" कविता दिलिप राई सगरले,"गणतन्त्र दिवस "कविता गगन योक्पाङदेनले,"सुरक्षा कवच" कविता राजकुमार सुब्बाले,"सम्झना "कविता निहाङ किरातीले र "सम्मान" कविता जयबहादुर श्रेष्ठले वाचन गरेका थिए ।
विमर्शमा दुई वक्ता मुनाराज शेर्मा र सुमित्रा वाङदेल चेली थिए भने सहजकर्ताको भूमिका युवा साहित्यकार सानसेन पन्धाकले गरेका थिए ।बहिस्कृत आवाज पछिल्लो पुस्ताले पढ्नै पर्ने कविता सङ्ग्रह भएको वक्ताले सिफारिस गरेका थिए ।
