संस्कारमा नि:शुल्क स्वास्थ्य शिविर तथा ‘फुड फन फेस्टिवल’ हुने
संस्कारमा नि:शुल्क स्वास्थ्य शिविर तथा ‘फुट फन फेस्टिवल’ हुने
फागुन ७गते/संस्कार इङ्लिस बोर्डिङ स्कुलले आफ्नो आठऔँ बार्षिक उत्सवको अवसरमा नि:शुल्क बृहत स्वास्थ्य शिविर तथा ‘फुड फन फेस्टिवल’ कार्यक्रम आयोजना गर्ने भएको छ ।
विद्यालय सेवा क्षेत्रका अभिभावक, विद्यार्थी, शिक्षक, शिक्षिका लगायत आम नागरिकको नि:शुल्क स्वास्थ्य परीक्षण गरिने विद्यालय प्रशासनले जनाएको छ । विद्यालयका प्रधानाध्यापक आशिष बस्नेतका अनुसार विद्यालय परिसरमै हुने शिविरमा डाक्टर प्रियंका कटवालले स्त्री रोग तथा पाठेघरको क्यान्सर सम्बन्धी ब्रिफिङ गर्ने छिन् ।
यस्तै बालरोग विशेषज्ञ डाक्टर अनिल थापा,जेनेरल फिजिसियन डाक्टर अनुपम घिमिरे,प्रसुति तथा स्त्री रोग विशेषज्ञ डाक्टर दिनेश मित र नाक, कान घाँटी रोगका बिरामीका लागि डाक्टर प्रवेश कार्कीले स्वास्थ्य परीक्षण गर्नेछन् ।
संस्कार अङ्ग्रेजी माध्यमिक विद्यालयको यो कार्यक्रमलाई स्थानीय मेची हेल्थ फार्मेसीले पनि सघाउने भएको छ ।
फागुन १० गते बिहानदेखि भएको यो शिविरमा सहभागी भएर आफ्नो स्वास्थ्य परीक्षण गर्न गराउन विद्यालय प्रशासनले आम नागरिकलाई अनुरोध गरेको छ । विद्यालयको बार्षिक उत्सवको अवसरमा फागुन ११ गते बृहत सांस्कृतिक कार्यक्रम आयोजना हुने पनि सो विद्यालयले जनाएको छ ।विद्यार्थीहरूमा भाषा,साहित्य ,कला र संस्कृतिको संरक्षण र संवर्धनमा विद्यालयले महत्त्वपूर्ण भूमिका रहिआएको छ।
नेपाली समाजमा सदियौंदेखि चल्दै आएका भाषा, विभिन्न जातजातिका भेषभुषा, शैली, रीतिरिवाज, परम्परा र उपभोग्य वस्तुको उपभोग र प्रयोग गर्न विद्यार्थीलाई संस्कार सिकाउँदै आइरहेको छ । विद्यार्थीलाई सिकाएको संंस्कारकै कारण छोटो समयमा विद्यालयले पूर्वाधार , शैक्षिक गुणस्तर र उत्तिर्ण दरमा फड्को मारेको स्थानिय अभिभावकले बताएका छन् ।
स्थापनाको छोटो समयमा विद्यालयले प्राप्त गरेको उपलब्धिलाई अभिभावक र सरोकार राख्ने सरकारी तथा गैर सरकारी संघ संस्थासम्म पुर्याउनकाका लागि कुनै कसर बाँकी नराख्ने र कार्यक्रममा समाजका लब्धप्रतिष्ठत व्यक्तिहरुको गरिमामय उपस्थिति रहने विद्यालयले जनाएको छ ।
