साहित्यकार निहारिकाको आज न्युरो अस्पतालमा निधन

झापा ८ असोज /साहित्यकार शान्ति निहारिकाको आज असोज ८ गते विराटनगरको न्युरो अस्पतालमा निधन भएको दु:खद खबर छ। 

एक हप्ताअघि उनी चढेको हायसलाई ट्रकले हानेर दुर्घटनामा परेकी थिइन् र विराटनगरको न्युरो अस्पतालमै उनको उपचार भइरहेको थियो।

'चट्याङको मूर्च्छना' शिर्षकको उपन्यास, 'पृथुला' शिर्षकको कविता सङ्ग्रहद्वारा नेपाली साहित्यमा आफ्नो बलियो उपस्थिति जनाएकी साहित्यकार निहारिकाको आज असोज ८ गते विराटनगरको न्युरो अस्पतालमा निधन भएको हो। 

उपचार गर्दागर्दै निहारिकाको अवस्था अत्यन्तै क्रिटिकल भएर गएको सुनियो। दुवै फोक्सो कोल्याप्सजस्तै अवस्थामा थियो । भेन्टिलेटरमा बेहोस गराएर उच्च एन्टिवायोटिक चलाइराख्दा पनि उपचार सफल हुन नसकेको अस्पताल स्रोतको भनाइ छ। 

मेडिकल्ली प्यारालाइज्ड भएरै निहारिकाको निधन भएको कुरा उनका मित्रहरूबाट जानकारी हुन आएको छ।