प्वाँखका कविताहरू गीत भए
झापा २५पुस/‘प्वाँख विथ रिदम’ कार्यक्रम काठमाडौंमा आज सम्पन्न गरिएको छ।
कवि नवीन प्राचीनका पाँच कविता रिदम कडेलको स्वर र संगीतमा प्रस्तुत गरिएको हो।
झापाली कवि नवीन प्राचीनको शीर्षकविहीन कविताहरूको सङ्ग्रह प्वाँख सन् २०२२ मा प्रकाशित कविता कृति हो। उनी कविता लेखन र वाचनका शक्तिशाली हुन्।
शीर्षक जस्तै यस कविता सङ्ग्रहका कविताहरू हलुका छन् । तर,अत्यन्त गहन छन् ।
गीत,गजलका शब्दहरुमा संगीत भरेर स्वरमा सजिएको हामीले सुन्दै आएका थियौँ तर, आज आर-शालामा नवीनका प्वाँखका कविताहरू साँच्चै भाग्यमानी सावित भए । ती कविताहरूले प्वाँख पाए ।कवितालाई पनि संगीत दिएर गाउन सकिन्छ भन्ने उदाहरण दिए रिदमले।
कवि नवराज पराजुलीसँग रिदमले निकै लामो सहकार्य गरेका थिए ।कवि नदीशका कवितामा पनि यो प्रयोग गरेका थिए। धेरैजसोमा उनी नेपथ्यमा थिए । आज उनी बाहिर आए । र, ‘रिदम’हरूले मन्त्रमुग्ध गरिदिए ।
कार्यक्रमको टाइटल नै ‘प्वाँख विथ रिदम’ थियो । जुन आफैंमा दीअर्थी थिए । प्वाँखका कविताहरू सांगितिक भए र रिदमसँग प्वाँख । भयो पनि त्यस्तै । समय नै गिन्ती गर्दा रिदमको मात्र प्रस्तुति २० मिनेट पर गएन ।
उनलाई धेरैले सोध्ने उनको नामबारे हो । त्यो नाम उनका काका कृष्ण कँडेलले राखिदिएका थिए । जो रिदमको आजको कार्यक्रममा उपस्थित हुन अष्ट्रेलियाबाट नेपाल आइपुगेका थिए ।
रिदमका गुरु तिलकसिंह पेयलाले भने- `तिमीले आफ्नो राम्रोभन्दा बढी नराम्रो हेर्नू ।साधकहरूले जहिल्यै आफ्नो नराम्रो हेरेर अरूलाई पराजय गर्छन् ।
कार्यक्रममा रैथाने संगीतकार झुमा लिम्बूले कवितालाई गीत बनाउनु नै ठूलो कुरो भएको भनेर प्रशंसा गरिन् ।
त्यसपछि उनलाई विजय बरालले कविता वाचन गरेर स्वागत गरे । र, यसपछि रिदम आफ्नो रिदममा गुञ्जिन थाले । २० मिनेटमा उनले `मैले मेरो आँशु´,`यो कोलाहलमा´,`सबैभन्दा बलिया हुन्छन् सपनाका पखेटा´,`साँझ पुगेथें खोला किनार´,`आकाश देखेर सागर सोच्दो हो´जम्मा ५ वटा गीत गाए । ती फरक-फरक स्वादका थिए । रिदमले कविताहरूलाई गीत बनाउने रोचक सन्दर्भ सुनाए ।
अहिले ‘प्वाँख’का कवि नवीन प्राचीन क्यानडामा छन् ।कवि नवीन प्राचीनले यी पाँचवटा गीतलाई म्युजिक एल्बमको रुपमा बजारमा ल्याउने तयारी समेत पूरा भइसके बताए।नवीन र रिदमको सहकार्यमा तयार भयो- ‘प्वाँख विथ रिदम’यसरी प्वाँखका कविताहरू गीत भए ।
