प्रलेस झापाको ११ औं अधिवेशनमा दुई साहित्यकार सम्मानित

 फागुन १० गते/प्रलेस झापाको ११ औं जिल्ला अधिवेशनमा आज दुई साहित्यकार सम्मानित हुनुभएको छ।
 कोहेड कलेज, बिर्तामोडको सभाकक्षमा भएको कार्यक्रममा प्रलेस झापाका  पूर्व अध्यक्षहरु हेमनाथ अधिकारी र कमल गुरागाईंलाई कार्यक्रमका प्रमुख प्रलेस,नेपालका महासचिव डा.देवी क्षेत्री दुलाल,पूर्व केन्द्रीय सदस्य तथा प्राज्ञसभा सदस्य सुमित्रा वाङ्देल चेली, प्रलेस कोसी प्रदेश अध्यक्ष तिला लेकाली,पूर्व केन्द्रीय सदस्यद्वय पुण्यप्रसाद खरेल तथा लीला उदासी लगायतले स्रष्टा सम्मान गर्नुभएको थियोे । 

कार्यक्रमको अध्यक्षता प्रलेस झापाका अध्यक्ष लीलाप्रसाद अधिकारीले गर्नुभएको थियो भने कार्यक्रममा स्वागत कोषाध्यक्ष मायामितु न्यौपानेले गरेकि थिइन् । कार्यक्रमको सञ्चालन सचिव विन्दु दाहाल मुकदर्शकले गर्नुभएको थियो । 
 प्रमुख अतिथि डा.देवी क्षेत्री दुलाल, अतिथिहरु लीला उदासी, पुण्यप्रसाद खरेल, सुमित्रा वाङ्देल चेली, तीला लेकाली, राजेन्द्र संग्रौलाले शुभकामना व्यक्त गर्नुभएको थियोे ।
 
 कार्यक्रममा झापाका प्रगतिशील स्रष्टाहरु होम सुवेदी, कमल गुरागाईं, केशव प्रसाईं, पुष्पराज खनाल, भीम दाहाल, नरपति पाण्डे, तुलसीप्रसाद भट्टराई, देवीचरण भण्डारी, तारा राई, मिना अधिकारी, टीका चापागाईं, विरही अधिकारी, तोया काफ्ले, जय आचार्य, मिलन सङ्ग्रौला, हरिनारायण भट्टरार्य, डिल्लीराम परदेशी, विरेन्द्र खड्का, परशुराम तिमसिना, त्रिलोचन रेग्मी, जनार्दन उप्रेती, तीर्थ खरेल,झगप्रसाद बराल, मदन सिवाकोटी, ज्ञानु बुढाथोकी, लक्ष्मी अच्युत ढुङ्गाना, खगिन्द्रा खुसी, जनार्दन पोखरेल, हरिप्रसाद तिमसिना तथा पत्रकार केशव भट्टराईको उपस्थिति रहेको थियोे । 

 प्रलेस झापाको११ औं जिल्ला अधिवेशनबाट लीलाप्रसाद अधिकारी अध्यक्ष, तारा राई उपाध्यक्ष,
 विरेन्द्र खड्का सचिव ,मिलन सङ्ग्रौला सह सचिव ,देवीचरण भण्डारी कोषाध्यक्षमा चयन गरिएको छ भने
 सदस्यहरुमा भीम दाहाल,तीर्थ खरेल,मिना अधिकारी र लक्ष्मी अच्युत ढुङ्गाना निर्विरोध चयन हुनुभएको माया मितु न्यौपानेले जानकारी दिनुभएको छ।