मिहिनेत गरेर वर्षौंपछी उसले झुपडी बनाएको छ

मिहिनेत गरेर वर्षौंपछी उसले झुपडी बनाएको छ
ठग्नेले  कसरी एक महिनामै महल ठड्याएको छ 

मन नपरेकोले आएर यसो धाप मारेको मात्र के थियो 
मुटु प्वाट्टै फुट्यो भन्ने समाचार बाहिर आएको छ 

तिमी  आज  पसिना  बग्दा  उफ् ! गन्हायो भन्छौ 
देश बनाउनेले हिजो रगतको खोलो बगाएको छ 

बास्मती चामल घाँटीबाट छिर्न छोड्यो कसैलाई
कसैले अझै पनि बाध्यताले बालुवा चपाएको छ 

तिमीले गाली गर्यौ अनि नानाथरी भन्यौ उसलाइ 
झुट बोलेरै भए पनि उसले इतिहास सम्झाएको छ 

धर्मेन्द्र तिम्सिना "क्षितिज" 
अमेरिका