कवि जगन्नाथ आचार्य युद्धप्रसाद स्मृति पुरस्कारबाट पुरस्कृत
सिन्धुपाल्चोकका कवि जगन्नाथ आचार्य युद्धप्रसाद स्मृति पुरस्कारबाट पुरस्कृत भएका छन् ।
प्रगतिशिल कवि युद्धप्रसाद मिश्रकाे ३४ औं स्मृति दिवसको सन्दर्भमा हिजो काठमाडौंकाे पद्मकन्या क्याम्पस बागबजारमा आयाेजित एक कार्यक्रमका बीच कवि आचार्यलाई पुरस्कृत गरिएको हाे । कार्यक्रमका प्रमुख अतिथि नेकपा (एमाले) का उपमहासचिव एवम् साहित्यकार प्रदिप ज्ञवाली (शितबिन्दु) ले दाेसल्ला, सम्मान -पत्र र रू. ३१ हजार नगद सहित उनलाई सम्मान प्रदान गरेका हुन ।
कार्यक्रममा पुरस्कृत कवि आचार्यले पुरस्कृत गरेकोमा आयाेजक युद्धप्रसाद मिश्र स्मृति प्रतिष्ठान प्रति कृतज्ञता जाहेर गर्दै २०२८ सालदेखि २०३४ सालसम्म कवि युद्धप्रसाद मिश्रसंग बिताएका अविस्मरणीय क्षणहरुकाे स्मरण गरेका थिए ।
प्रतिष्ठानका अध्यक्ष डा. फणीन्द्रराज निराैलाकाे सभापतित्वमा सम्पन्न कार्यक्रममा विभिन्न क्षेत्रका व्यक्ति व्यक्तित्व र कवि साहित्यकारहरुकाे बाक्लो उपस्थिति रहेको थियोे ।
