कोलम्बसमा मनोरम साङ्गीतिक साँझ हुँदै

अमेरिकाको कोलम्बस्मा विशेष साङ्गीतिक कार्यक्रम सम्पन्न हुने भएको छ । 'मनोरम साङ्गीतिक साँझ' नाम दिइएको सो कार्यक्रममा गायक तथा सङ्गीतकार मनोज राईको एकल गायन रहनेछ । नेपालको खुदुनाबारी स्थित भूटानी शरणार्थी शिबिरमा रहँदै गायकका रुपमा स्थापित गायक राई सङ्गीतमा निरन्तर साधनारत छन् । उनको सङ्गीतक्षेत्रको सोही लगावलाई मध्यनजर गर्दै कार्यक्रममा गायक राईलाई सम्मान समेत गरिने भएको छ । गजलकार सविन शर्माका चोटिला गजलहरु पनि सुन्न पाइने सो कार्यक्रमलाई कोलम्बस साहित्यिक तथा साँस्कृतिक मञ्चले आयोजना गरेको हो । २८ सेप्टेम्बरमा साँझको ६ बजेदेखि सुरुहुने सो कार्यक्रम ग्रेटर कोलम्बसमा सम्पन्न हुने कुराको जानकारी अमेरिकाबाट स्रष्टा पातलो अन्तरेले जानकारी दिएका छन् ।