कालेबुङमा भानु स्मृति तथा नेपाली भाषा दिवस मनाइयो

२१ अगस्त २०२४- का दिन कालेबुङको क्लुनी महिला महाविद्यालयले भानुस्मृति दिवस र नेपाली भाषा दिवस संयुक्त रुपमा पालन गरेको छ । भानु जयन्तीको सरकारी विदा १३ जुलाई र भाषा दिवस २० अगस्तमा पर्ने भए पनि यी दिनहरूमा परीक्षा परेकाले २४ अगस्तका दिन कार्यक्रम गर्नु परेको हो । कार्यक्रममा कविता गीत तथा गजल वाचन, नृत्य प्रस्तुति, रामायण पाठ तथा पुस्तक लोकार्पण गरिएको थियो । कार्यक्रममा मेहेरमान सुब्बाको समालोचनाको पुस्तक 'नारी विमर्श, लैङ्गिक अध्ययन र नेपाली उपन्यास' -को लोकार्पण गरियो । साहित्यका गम्भीर अध्येता मेहेरमान सुब्बाको यो दोस्रो समालोचनात्मक कृति हो । महाविद्यालयकी प्राचार्या डा.पुष्प माइकलको सभाध्यक्षता रहेको उक्त कार्यक्रममा प्रसिद्ध कवि डा.राजेन्द्र भण्डारीको प्रमुख आतिथ्य रहेको थियो । 

आफ्नो मन्तव्यका क्रममा डा.भण्डारीले भारतमा नेपाली भाषाको प्रयोगमा, साहित्य लेखनमा, भाषाप्रेममा देखा परेको ह्रासमाथि प्रकाश पारेका थिए भने । नेपाली भाषा नेपाली भाषीको प्रयासले मात्रै बाँच्न सक्छ, नेपाली भाषी समुदाय भारतमा अनाथ जस्तै छ, जे जति गर्नुपर्छ आफैले नै गर्नुपर्ने हो भन्दै उनले भाषा साहित्यको लागि विद्यार्थीहरुको काँधमा ठूलो दायित्व छ भन्ने धारणा व्यक्त गरेका थिए । प्राचार्या डा. पुष्पले केन्द्र सर्कारको नयाँ शिक्षानीति माथि प्रकाश पार्दै अबको युग मातृभाषाको प्रवर्द्धनको युग हो, आफ्नो जरोकिलो खोज्ने युग हो भन्ने धारणा व्यक्त गरेकी थिइन् । यसरी क्लुनी महाविद्यालयले भव्यताका साथ ३२-औँ भाषा मान्यता दिवस पालन गर्‍यो ।