चेत्छौ ?

घुर्दै गर विरानाले हानेपछि चेत्छौ तिमी
फुक्तै गर सिमानाले बानेपछि चेत्छौ तिमी।

देश बनाउँछौं भन्नेहरु सिरकभित्र पस्तै गर
तिम्रा बानी पराईले जानेपछि चेत्छौ तिमी।

सोच, सोच्न छुट छ यहाँ सगरमाथ, बुद्ध मेरो 
सोच्तासोच्तै ती अरुले मानेपछि चेत्छौ तिमी ।

पालैपालो एकले अर्को नङ्याउदै जाऊ एक दिन
नङ्याउनेले तिम्रै पालो छानेपछि चेत्छौ तिमी।

लुछाचुडी, मिलेमतो जे गरेनी हाम्रै त हो
भन्दै गर हिउँले पहाड तानेपछि चेत्छौ तिमी।