बिर्तामोडमा पुस्तक मेला, पठन संस्कृतिको विकास गर्ने उद्देश्य
७ असोज, बिर्तामोड । पठन संस्कृतिको विकास गरौँ भन्ने मुल नाराका साथ झापाको बिर्तामोडमा रहेको इशा बुक सेन्टरमा किताब मेला आयोजना गरिएको छ ।
झापा भित्रका लेखकहरुद्वारा लेखिएका सय भन्दा बढि पुस्तक मेलामा राखिएको विर्ता रिर्डसका संयोजक तीर्थ सिग्देले बताउनु भयो ।
उहाँले मोफसलका लेखकले राष्ट्रलाई महत्वपूर्ण योगदान दिएको बताउनु भयो । उहाँले नगर भित्र साहित्यको प्रर्वद्वन गराउन किताब मेलाले अर्थपूर्ण भुमिका खेल्ने बताउनु भयो ।
उहाँले मदन पुरस्कार पाउने मध्ये ४ जना झापाकै भएको बताउँदै साहित्यमा झापाको योगदान प्रेरणादायी रहेको बताउनु भयो ।
किताब मेलामा नेपाल भरिका विभिन्न लेखकले लेखेका ९ सय भन्दा बढि पुस्तकहरु स्टलमा राखिएका छन् ।
घर तथा संघ संस्थाहरुमा मिनी लाइब्रेरी निर्माण गर्न सामाजिक प्रेरणा जागृत होस भनि पुस्तक मेला आयोजना गरिएका संयोजक सन्तोश आर्चायले बताउनु भयो ।
कार्यक्रमकी प्रमुख अतिथी बिर्तामोड नगरपालिकाकी नगर प्रमुख पवित्रा महतरा प्रसाईले किताब छनोट गरी औपचारिकरुपमा किताब मेलाको उद्घाट्न गर्नुभयो ।
उहाँले प्रविधिको दुरुपयोग गर्दै सोसियल मिडियामा समय खेर फाल्नु भन्दा किताव पढ्ने बानी बसाल्न सबैलाई आग्रह गर्नुभयो ।
प्रसाईले किताब पढ्ने बानीले मानिसलाई शालिन र समाजप्रति उत्तरदायित्वो बन्न सिकाउने बताउनु भयो ।
साहित्य पत्रकार मञ्चका संयोजक हरि बरालले सञ्चालन गर्नु भएको उद्घाट्न कार्यक्रममा किताव मेलाको औचित्यमाथी विर्ता रिर्डसका संयोजक सिग्देले प्रकाश पार्नु भएको थियो ।
बिर्तामोड उद्योग वाणिज्य संघका अध्यक्ष राजु न्यौपानेले कितावले शव्दको भण्डारमा बृद्वी गर्ने भएकाले किताब पढ्ने संस्कारमा विकास गर्न आग्रह गर्नुभयो । उहाँले किताव मेलाले सम्पुर्ण पाठकको रोजाई एकै स्थानबाट पु्रा गर्ने बताउनु भयो ।किताब मेला असोज ७ गते देखि २३ गते असोज सम्म रहने छ ।
यस अवधिमा पुस्तक किन्ने ग्राहकका लागि ३० प्रतिशतको छुट प्रदान गरिएको छ ।
