सुसाना र बुज्रुकहरु

नानकिङमा निर्दोष सुसानाहरु 
परिस्थितिको कालो चक्रब्युमा परेर 
प्राण पखेरु त्यागेको इतिहास 
अझै मक्किसकेका छैनन् 

इन्द्रेणीमा फर्फराईरहेको 
रातो रंग 
रजस्वला हुन अगाबै 
छिन्न-भिन्न बनाईएको 
अस्तित्वका दागहरु हुन् 
अझै त्यो दागहरु 
दिनानु- दिन बढिरहेका छन्/ घट्नुपर्ने हो 

आदिम सताब्दीका 
बुज्रुकहरु 
बाटो कुरेर 
'ब्लकमेल' गरि 
बैंसको निर्जन जंगलमा
अस्तित्व लुट्थे 

तर अहिले 

सुसानाहरु 
बैंसको बजारमा बेच्चिरहेका छन् 
त कोहि 
कर्कलाको पातबाट हाम फालेर 
आत्महत्या गरिरहेका छन्