पत्थरको देवता

मौनताको 
सिंहसानमा रमिता हेर्दै 
नतमस्तक बसिरहन्छ 
पत्थरको देवता 

हामी मान्छेहरु 
विश्वासमा अडिएका छौ 
विश्वासले नै धोका दिई रहेको छ 

आधुनिक सभ्यताको 'भेम्पाएर'
अर्काको रगत, पसिना, चुसेर 
आफुलाई ठुलो मान्छे सम्झिन्छ 

हामी मान्छे हुनुको गर्ब गर्छौ
बुद्धीको घमण्ड गर्छौ 

हामीसंग बुद्धी हुदो हो 
हामीसँग अलिकति मात्र सोच्ने शक्ति हुदो हो 
अन्धविश्वासले 
किन?
हामीलाई सधै कठपुतली बनाएर
अँधेरो रंगमन्चमा नचाईराख्थ्यो ?